نرجسيه.. نرجسيه.. أذكـر إنهـــا نرجسيـــه

كلمةٍ مطلع قصيـده راودتنــــي مـن زمــــان

كنــت أبكتبها ولكن عيـــت ظروفـــي عليــه

والزمن أيضا حداني وبعدها كان اللي كـــان

نرجسيــه يا علـي بنــتٍ تمـــادت بالخطيـــه

أسرفــت في حالـي حتـى عفتهـا يابـــورزان

ولاقويـت أجمع شتات العمر وأطراف الحنان

وأحســـب للحــزة لقاها هالدقايــق والثـــوان

وأتساءل ليـه أطيـر إليـا دعتنـي فـي مكـــان

إستمـد النــور منها ثــم خــذى منهــا ضمـان

ما تخبـر به قريــب ولا يسولــف بـه لســـان

عنــق وإلا خسـر وإلا.... يادخيل المستعــان

إن تهادت فــي خطاها تسلـب العقـل برويـــه

وإن تثنت شحت كفـي وش بقى للخيــــزران

وإذا إنتثر مجدولهـا اللي حشى ما شفت زيه

فاح ريح العــود وإلا هو عبيـــر القحويــــان

من نظرها كنه اللي ماحسـب طعنــة خويـــه

ولاله إلا لاتبســــم ثغرهــا عـــض البنــــــان

لو نظرها إبن الملـوح عاف ليلــى العامريــه

يختلف طرقه ونهجــه وتصبـح العشره ثمان

يترك الشعـر المقفــى والحــروف الابجديـــه

أو يهيجــن هيجنــة بدوٍ لهـــم عــــزه وشـان

قلبهــــا قاســي ونـــــادر مـا تمايلـــــي ولان

واتركتنـــي للسهاد ولوعــة أصفـاد الهـوان

حبنا اللي من سواهـــا ما صفـا مــــره وزان

حلها وشلـون مـدري!! طالبــك يابـــو رزان